မျက်မှန်နဲ့ မျက်ကပ်မှန်ကြားမှာ ဘယ်ဟာကိုရွေးချယ်ရမလဲဆိုပြီး အခက်တွေ့တဲ့အခိုက်အတန့်မျိုးကြုံဖူးကြမှာပါ။
အချို့နေရာတွေမှာ မျက်မှန်ကအားသာချက်ရှိသလို အချို့နေရာတွေမှာ မျက်ကပ်မှန်ကပိုပြီးအဆင်ပြေပါတယ်။ မျက်မှန်ရော မျက်ကပ်မှန်ပါ တပ်စရာမလိုတဲ့ မျက်လုံးကိုလေဆာပစ်တဲ့ တတိယရွေးချယ်မှုတစ်ခုလည်းရှိနေပါသေးတယ်။
ဒါ့ကြောင့် မျက်မှန်နဲ့ မျက်ကပ်မှန် ဘယ်ဟာက ကိုယ့်အတွက်သင့်တော်မလဲဆိုတာကို သူတို့ရဲ့ကောင်းကျိုးဆိုးကျိုးတွေကိုကြည့်ပြီး ရွေးချယ်လိုက်ရအောင်နော်။
မျက်မှန်ရဲ့ကောင်းကျိုးဆိုးကျိုးများ
မျက်မှန်ရဲ့အကောင်းဆုံးအားသာချက်ကတော့ ဘယ်အသက်အရွယ်၊ ဘယ်လိုလူပဲဖြစ်ဖြစ်၊ အမြင်အာရုံချို့တဲ့မှုကို မျက်မှန်တစ်လက်တပ်လိုက်ရုံနဲ့ အမြန်ဆုံးဖြေရှင်းပြီးသားဖြစ်သွားတာပါပဲ။ နောက်ပြီး သင့်ရဲ့အမြင်အာရုံအခြေအနေပေါ်မူတည်ပြီး ပါဝါအတိုးအလျှော့ပြုလုပ်နိုင်တဲ့အတွက်လည်း အဆင်ပြေတယ်လို့ ပြောရမှာပါ။
လူတော်တော်များများက မျက်မှန်တပ်လိုက်ရင် အူကြောင်ကြောင်ရုပ်ပေါက်ပြီး ကြည့်ရဆိုးသွားမယ်လို့ထင်ကြပါတယ်။ တကယ်တော့ မျက်မှန်ကို မလိုအပ်ဘဲနဲ့ အလှတပ်ကြတဲ့ ဂျက်ဆီကာအယ်လ်ဘာ၊ တီနာဖေး၊ အမ်မာဝက်ဆန်၊ အယ်လ်တန်ဂျွန် တို့လို နာမည်ကြီးအနုပညာရှင်တွေတောင်ရှိပါသေးတယ်။ ကိုယ်နဲ့လိုက်ဖက်မယ့် မျက်မှန်ပုံစံကိုရွေးချယ်တတ်ဖို့ပဲ လိုတာပါ။
မျက်မှန်တပ်ခြင်းရဲ့ အဓိကဆိုးကျိုးတွေကတော့ အားကစားသမားတော်တော်များများအတွက် လှုပ်ရှားရင်းကျွတ်ကျနိုင်တယ်၊ မျက်မှန်ကျိုးနိုင်တယ်၊ ထိခိုက်ဒဏ်ရာရနိုင်တယ်ဆိုတဲ့အချက်တွေပါပဲ။
မျက်ကပ်မှန်တပ်ခြင်းရဲ့ ကောင်းကျိုးဆိုးကျိုးများ
မျက်ကပ်မှန်တပ်ခြင်းကတော့ မျက်မှန်ကြောင့်ဖြစ်ပေါ်နိုင်တဲ့ ဆိုးကျိုးတော်တော်များများကို ဖြေရှင်းပြီးသားဖြစ်စေမှာပါ။
မျက်ကပ်မှန်တပ်ခြင်းရဲ့ ကောင်းကျိုးတွေကတော့ သင့်မျက်လုံးကိုဘောင်ခတ်ထားခြင်းမရှိတဲ့အတွက် ကြည့်ရတာကျဉ်းကျုံ့နေတာမျိုးမရှိပါဘူး။ နောက်ပြီး ရုပ်များဆိုးနေမလား၊ ဝတ်ထားတဲ့အဝတ်အစားနဲ့ လိုက်ပါ့မလားဆိုတာမျိုးလည်း စိတ်ပူစရာမလိုပါဘူး။
မျက်နှာမှာ မျက်မှန်ကြီးတပ်ထားစရာမလိုတဲ့အတွက်ကြောင့် လွတ်လွတ်လပ်လပ်လှုပ်ရှားသွားလာနိုင်ပြီး ကျွတ်ကျမှာစိတ်ပူစရာမလိုသလို မျက်မှန်ကွဲသွားလို့ နောက်တစ်လက်ထပ်လုပ်ပြီး အကုန်အကျများမယ့် ဘေးကနေလည်း ကင်းဝေးစေမှာပါ။
မျက်ကပ်မှန်တပ်ခြင်းရဲ့ဆိုးကျိုးကတော့ မျက်ကပ်မှန်တပ်တဲ့နေရာမှာ ဂရုတစိုက်တပ်ဆင်ခြင်းမရှိရင် မျက်လုံးကိုထိခိုက်စေနိုင်ပြီး ကူးစက်ရောဂါတွေလည်း ဝင်စေနိုင်ပါတယ်။ မိုးအရမ်းရွာတဲ့အချိန်မျိုးနဲ့ ရာသီဥတုဆိုးရွားတဲ့အခါမျိုးတွေ ရေကူးတဲ့အခါတွေမှာ တပ်ဆင်လို့မရနိုင်တာကတော့ မျက်ကပ်မှန်တဲ့ အားနည်းချက်လို့ပဲဆိုရမှာဖြစ်ပါတယ်။
Writting by :Nyi Min Khan (Health Products Directory )