Coronavirus ကို ၅ မိနစ်အတွင်းစမ်းသပ်သိရှိနိုင်မယ့်ကိရိယာကို Abbott Company ကတီထွင်လိုက်ပါတယ်။
အမေရိကန် FDA ကအရေးပေါ်အခြေအနေတွေမှာ အသုံးပြုဖို့ခွင့်ပြုထားပြီးဖြစ်ပြီး အရွယ်အစားလည်းသေးငယ်တဲ့အတွက်ကြောင့် အခန်းငယ်ထဲမှာတင် အသုံးပြုနိုင်ပါတယ်။
Abbott ကနေတီထွင်ထားတဲ့ ဒီကိရိယာဟာဆိုရင် ပင်မ Lab ကိုပေးပို့စရာမလို့ပဲ အခန်းငယ် ဒါမှမဟုတ် အရေးပေါ်အခန်းထဲမှာတင် စမ်းသပ်နိုင်တဲ့အတွက် အချိန်ကုန်သက်သာစေပြီး အလွန်အသုံးတည့်မှာ ဖြစ်ပါတယ်။ ဒီကိရိယာထဲထည့်သွင်းစမ်းသပ်မယ်ဆိုရင် Covid 19 Positive ဖြစ်ပါက ၅ မိနစ်ကြာမြှင့်မှာ ဖြစ်ပြီး Negative ဆိုရင် ၁၃ မိနစ်လောက်ကြာမှာ ဖြစ်ပါတယ်။
ဒီကိရိယာဟာ FDA ကခွင့်ပြုလိုက်တဲ့ ဒုတိယမြောက် Point-of-care Test Kit ဖြစ်ကာ Cephid Biotechnology Company ကနေ ပထမဦးဆုံး Test Kit ကိုထုတ်လုပ်ထားပါသေးတယ်။ လာမယ့်တစ်ပတ်ကစပြီး Test Kit ၅ သောင်းထိထုတ်ပေးသွားမယ်လို့ Abbott ကပြောခဲ့ပါတယ်။