မိဘတယောက် ဖြစ်ရတာ မလွယ်ပါဘူး။သားသမီးတွေရဲ့ ပညာရေး၊ကျန်းမာရေး၊လူမှုရေးအားလုံးကို ဘက်စုံထောင့်စုံ လစ်ဟင်းမှုမရှိအောင် ဂရုစိုက်ပေးရပါတယ်။
ဒီကြားထဲ အပေါင်းအသင်းမှားပြီး မူးယစ်ဆေးလက်တည့်စမ်းမှာ၊လမ်းမှားရောက်မှာကိုလည်း ပူရပါသေးတယ်။မူးယစ်ဆေးဆိုတာ ခေတ်အဆက်ဆက်ရှိခဲ့ပြီး လုံးဝပပျောက်အောင် ပြုလုပ်ဖို့ မဖြစ်နိုင်သလောက် ခက်ခဲတဲ့အရာမို့ ကိုယ့်သားသမီးဖက်က သွားမပတ်သက်အောင် ဂရုစိုက်ရပါသေးတယ်။
ဒီ့အတွက် မူးယစ်ဆေးဝါးရဲ့ ဆိုးကျိုးတွေအကြောင်းကို သင့်သားသမီးနားဝင်သဘောပေါက်အောင် ပညာပေးရှင်းပြပေးဖို့ လိုအပ်သလို ကိုယ့်ကလေး မူပျက်နေရင်လည်း သိနိုင်ဖို့အတွက် မူးယစ်ဆေးဝါးနဲ့ ဆိုင်တဲ့ ဗဟုသုတတွေကို သင့်ဘက်က သိရှိထားဖို့ လိုအပ်လှမယ်ထင်ပါတယ်။ပထမဆုံးအနေနဲ့ ပြည်တွင်းမှာ အသုံးများတဲ့ မူးယစ်ဆေးဝါးတွေနဲ့ သူတို့ကို သုံးစွဲရင် ဖြစ်ပေါ်လာမယ့် လက္ခဏာတွေကို အရင်သိရှိထားသင့်ပါတယ်။
၁။ ဘိန်းဖြူ
ဘိန်းဖြူအကြောင်းကိုတော့ အထူးတလည်မိတ်ဆက်ပေးစရာ လိုမယ်မထင်ပါဘူး။သက်တော်ရှည်ဘိုးဘိုးကြီးလို့ ပြောရင်လည်း ရပါတယ်။
ဘိန်းဖြူအသုံးပြုခြင်းရဲ့ လက္ခဏာတွေ = ကျောင်းမှာ အဆင့်တွေကျလာမယ်၊ကျောင်းပြေးမယ်၊ခါတိုင်းနဲ့မတူ ဒေါသတွေကြီးမယ်၊ပေါက်ကွဲလွယ်မယ်၊အနေအထိုင် သန့်သန့်ပြန့်ပြန့်မရှိဘဲ ကပျစ်ကညစ်ဖြစ်လာမယ်၊
အပြင်ထွက်ရင် နေမပူတာတောင် နေကာမျက်မှန်ကြီးတပ်မယ်၊(သွေးကြောထဲ ဆေးထိုးထားတဲ့ အပ်ရာတွေကို ကာဖို့အတွက်) အင်္ကျီလက်ရှည်တွေ အမြဲဝတ်မယ်၊ခိုးကြောင်ခိုးဝှက်ဖြစ်နေမယ်၊အပေါင်းအသင်းအသစ်တွေနဲ့ ပေါင်းလာမယ် (အရင်သူငယ်ချင်းတွေလို သေသေသပ်သပ် မရှိတဲ့ မိတ်ဆွေသစ်တွေ)၊အိမ်ကပစ္စည်းတွေကို ခိုးတတ်ဝှက်တတ်လာမယ်၊ငွေသုံးကြမ်းလာမယ် စသဖြင့်ပေါ့။
၂။ ဆေးခြောက်
ဆေးခြောက်ဟာ ဟိုးအရင်ကတည်းက ကာလသားတွေညဖက် ဟင်းချက်စားတယ်ဆိုပြီး ကြက်သားဗူးသီးနဲ့ ဆေးခြောက်အတွဲအစပ်ဟာ အင်မတန် နာမည်ကျော်ပါတယ်။ယနေ့အချိန်ထိလည်း ဆေးခြောက်ဟာ ခေတ်စားနေဆဲဖြစ်ပါတယ်။
ဆေးခြောက်အသုံးပြုခြင်းရဲ့ လက္ခဏာတွေ = သူငယ်အိမ်ကျယ်နေမယ်၊မျက်စိနီရဲနေမယ်၊မှတ်ဉာဏ်တွေ ထုံထိုင်းလာမယ်၊ခါတိုင်းထက် အစားပိုစား၊ပိုအိပ်မယ်၊ဝလာမယ်၊မျက်စဉ်းခတ်တာမျိုး၊နေလည်းမပူဘဲ နေကာမျက်မှန်ကြီးတကားကားလုပ်နေတာမျိုးတွေ ရှိလာမယ်၊ဆေးခြောက်အနံ့အသက်တွေရမယ်၊မျက်လုံးက ရီဝေဝေဖြစ်နေမယ်၊မျက်ရည်ပူတွေ ထွက်နေမယ်၊အကြောင်းရင်းမရှိ ရယ်နေမယ်၊စိတ်ခံစားမှုအပြောင်းအလဲမြန်လာမယ် စသဖြင့်ပေါ့။
၃။ စိတ်ကြွရူးသွပ်ဆေးပြား
ဒီဟာကတော့ ခေတ်ပေါ်ဆေးဝါးတမျိုးပါ။သူ့ရဲ့ ဓာတုဗေဒအမည်ကတော့ amphatamine ဖြစ်ပါတယ်။ဆေးပြားပေါ်မှာ ရိုက်နှိပ်ထားတဲ့ အင်္ဂလိပ်စာလုံးနှစ်လုံးကို အစွဲပြုပြီးတော့ WY ဆေးပြားလို့လည်း ခေါ်တတ်ပါသေးတယ်။
ဆေးပြားအသုံးပြုခြင်းရဲ့ လက္ခဏာတွေ = အစားအသောက်ပျက်မယ်(တရက်နှစ်ရောက်လောက် ဘာမှ မစားဘူး)၊ညည မအိပ်ဘူး၊ဟန်ပျက်နေမယ်၊အာခြောက်နေတဲ့ပုံပေါ်မယ်၊အအေး သို့မဟုတ် ရေ ခဏခဏသောက်မယ်၊ပုံမှန်ထက်ပိုပြီး လန်းဆန်းတက်ကြွနေမယ်၊တော်ရုံတန်ရုံ မမောဘူး၊အပင်ပန်းခံနိုင်မယ်၊ပိန်ချုံးသွားမယ်၊နှာခေါင်းပိတ်တဲ့ ပုံစံမျိုးဖြစ်နေမယ်၊ပါးစပ်ကနေ လေတွေကို မကြာခဏ စုပ်သွင်းနေမယ်စတဲ့ လက္ခဏာတွေကို အကဲခတ်ပါ။ဆေးပြားရဲ့ အနံ့ဟာလည်း သိသာပါတယ်။
၎။ ချောင်းဆိုးပျောက်ဆေး
ခေါင်းစဉ်များ မှားရေးမိသလားလို့ မထင်လိုက်ပါနဲ့။Dextromethorphan လို့ခေါ်တဲ့ ချောင်းဆိုးပျောက်ဆေးကို ဆယ်ကျော်သက်တွေ တလွဲသုံးလေ့ရှိကြပါတယ်။ဒီဟာက အတော်လေးခွကျတဲ့ ပြဿနာပါ။ချောင်းဆိုးပျောက်ဆေးဖြစ်တဲ့အတွက် ဈေးပေါပါတယ်၊အလွယ်တကူရနိုင်ပါတယ်၊လက်လှမ်းမှီပါတယ်။အပေါ်က ဆေးတွေလို သုံးစွဲဖို့ ကရိကထလည်း မများပါဘူး။ဒီဆေးဟာ ချောင်းဆိုးပျောက်ဆေးအဖြစ် တွင်ကျယ်စွာ အသုံးပြုရတဲ့ ဆေးဖြစ်ပေမယ့် ပမာဏများပြားစွာ သုံးစွဲမယ်ဆိုရင်တော့ အန္တရာယ်ရှိပါတယ်။Dextromethorphan ချောင်းဆိုးပျောက်ဆေးရဲ့ အဓိက လက္ခဏာက အချိန်ကြာမြင့်စွာအိပ်စက်ခြင်းပဲဖြစ်ပါတယ်။စကားပြော လေးလံလာတာမျိုး၊မျက်လုံးကဏှာမငြိမ်တာမျိုးတွေလည်း ဖြစ်တတ်ပါတယ်။
အဓိကကတော့ မိမိရဲ့ သားသမီး မူပျက်ခြင်းရှိမရှိ လေ့လာစောင့်ကြည့်ရမှာဖြစ်ပြီး ထူးထူးခြားခြား အသုံးအဆောင်တွေ၊အနံ့အသက်တွေကို သတိပြုသင့်ပါတယ်။
Source:hellosayarwon
MyanmarMMRD မှ ရန်ကုန် ၊ မန္တလေး Health Products Directory စာအုပ်အပြင် တခြားစာအုပ်လေးတွေလည်း ထွက်ရှိနေပါပြီနော်။
Read:Enervon-C အားဆေး နှင့် ဆောင်ရန် / ရှောင်ရန်များ