ယားလို့ ကုတ်တယ် ၊ ကုတ်တော့ မပျောက်ဘူး ´ဟိုယား ဒီယား ဟိုကုတ် ဒီကုတ်´သံသရာလည်နေတာတွေက လူတိုင်းနီးပါးဖြစ်ဖူးကြမယ်ထင်ပါတယ်။

မှိုကြောင့်ဖြစ်သောအရေပြား ယားနာခြင်းတွေကို အခုလို မိုးတွင်းတွေမှာ ပိုပြီး သတိထားဖို့တော့ လိုအပ်ပါတယ်။ မှိုကြောင့် ဖြစ်တဲ့ ယားနားခြင်းတွေကို FUNGUS လို့ခေါ်တဲ့မှိုပိုးကြောင့်ဖြစ်တာပါ။

အဆိုပါ မှိုပိုးသည် အရေးပြားအပေါ်ယံတွင်သာနေလေ့ရှိပြီး အထဲသို့ဖောက်ဝင်ခြင်း မရှိတတ်ပါ။ မှိုပိုးရောဂါများကတော့ ပွေး၊ ဝဲ၊ ညင်းနှင့် အခြားသော YEAST ရောဂါများဖြစ်ပါတယ်။
ခြေထောက်မှိုစွဲရောဂါက ခြေချောင်းများ၏ အောက်ဖက်မျက်နှာပြင်နှင့် ခြေချောင်းများအကြား အရေပြားပေါ်တွင် စွဲကပ်လေ့ရှိသည်။ ထိုနေရာများက ချွေးဖြင့် စိုနေလေ့ရှိသော နေရာဖြစ်သောကြောင့် မှိုပိုးကြိုက်နှစ်သက်သောနေရာဖြစ်သည်။

(၁)သဲဝဲ(Athelet`s foot)

သဲဝဲစားခြင်းသည် မှိုပိုးကြောင့်ဖြစ်တာပါ။ ခြေထောက်ကြားတွေမှာ အဖြစ်များပါတယ်။ ခြေထောက်သည် အရေပြားအဖတ်တွေ နီမယ် ၊ အဖတ်ကွာမယ်၊ ယားမယ်၊ ပူမယ်၊ အရေကြည်ဖု ထမယ်၊ အနာဖြစ်နေမယ်။ ဝဲပေါက်ရသောအကြောင်းရင်းတော့ ရှုးဖိနပ်များသည် စိုစွတ်နေသည်ကို စီးခြင်း၊ ခြေအိတ်များမသန့်ရှင်းခြင်း၊ မသန့်ရှင်းသောရေနှင့် အမြဲထိတွေ့နေခြင်းကြောင့် ဖြစ်တတ်ပါတယ်။ ရှုး ဖိနပ်ကျပ်ကြပ်ဝတ်သူများနှင့် အများသုံးရေကူးကန်ကူးသူများတွင် အများဆုံးဖြစ်ပါတယ်။

သဲဝဲစားခြင်းက တစ်ယောက်နဲ့တစ်ယောက် လက္ခာဏာမတူတတ်ပါ။ အများဆုံးက ခြေထောက်အရေပြား ကွဲအက်ခြင်း၊ ကွာကျခြင်း၊ နီခြင်း၊ အရည်ကြည်ဖုထခြင်းနှင့် ကွဲအက်ခြင်းတိုဖြစ်နိုင်ပါတယ်။ယားယံခြင်းနှင့် ပူလောင်ခြင်း ခံစားရတတ်ပါတယ်။ သဲဝဲစားခြင်းတွင် ခြေကြားလက်ကြားထဲတွင် ဖြစ်သောသဲဝဲစားခြင်းသည် ယားမယ်၊ ပူမယ် ထိုမှတဆင့် ခြေဖဝါးထိ ပြန့်နှံ့တတ်ပါတယ်။ တချို့သဲဝဲများက ယားခြောက်ပြီး ကွာကျပါတယ်။ အရေပြားထူပြီး ကွဲအက်သွားပါတယ်။ ခြေဖဝါးတစ်ခုလုံးမှတဆင့် ဘေးဘက်ဆီသို့ ပျံ့နှံ့တတ်ပါတယ်။ အချို့သဲဝဲကတော့ အရည်ကြည်ဖုတွေ ပေါက်နေတတ်ပါတယ်။ ခြေမ၊ ခြေဖနောင့်တွေမှာ ပေါက်တတ်ပါတယ်။

သဲဝဲစားခြင်းအတွက် မှိုပိုးသတ်ဆေးလိမ်းဆေးများ လိမ်းလို့ရပါတယ်။ ပြင်းထန်ပါက သောက်ဆေးလိုပါတယ်။ ဒါကြောင့်မို့ သဲဝဲစားခြင်း ကာကွယ်ရန် မိမိခြေထောက်များကို သန့်ရှင်းခြောက်သွေ့ရန် အထူးကုဂရုစိုက်ရပါမယ်။

(၂)Jock itch ဆိုတဲ့ မှိုရောဂါတစ်မျိုးသည် လိင်အင်္ဂါ၊ ပေါင်ကြားနှင့် တင်ပါးတို့တွင် ပေါက်တတ်ပါတယ်။ ယားပြီးနီရဲသော အကွက်များဖြစ်စေပါတယ်။ တစ်ဦးနှင့်တစ်ဦး အလွယ်တကူ ကူးစက်တတ်ပါတယ်။ ပေါင်ကြားတွင် ယားပြီးနီရဲပူစက်သော အကွက်များဖြစ်ပါတယ်။ ကုနည်းမှာ ထိုနေရာကို သန့်ရှင်းခြောက်သွေ့အောင်ထားပြီး မှိုပိုးသတ်ဆေးလိမ်းဆေးများ လိမ်းပါ။ အတွင်းခံ နေ့စဉ် လျော်ဖွတ်လဲလှယ်ဝတ်ဆင်ပါ။

(၃)ပွေး

ပွေးသည် ကိုယ်ခန္ဓာ အနှံ့အပြားမှာ ပေါက်နိုင်ပါတယ်။ ပွေးသည် နီဝိုင်းသော အရေပြားအကွက်များ ဖြစ်ပါတယ်။ ပွေးကွက်များက ထပ်နေပြီး ပျဉ်လိုက်အကွက်ကြီး ဖြစ်နေတတ်ပါတယ်။ တစ်ဦးနဲ့တစ်ဦး ကူးစက်တတ်ပါတယ်။ အဝတ်အစား အသုံးအဆောင်များမှတဆင့် ကူးစက်တတ်ပါတယ်။ အပူနှင့်စိုစွတ်မှုတို့ကြောင့် ပိုပြန့်ပွားတတ်ပါတယ်။ အမြဲယားလို့ ကုတ်နေရတတ်ပါတယ်။

ကုနည်းကတော့ပွေးပေါက်သောနေရာများကို မှိုပိုးသတ်ဆေးလိမ်းဆေးများ လိမ်းခြင်းဖြစ်ပါတယ်။ နေ့စဉ်ဆေးဆပ်ပြာဖြင့် ရေချိုးပါ။

(၄)ကန်ဒီးဒါးလို့ခေါ်တဲ့ မှိုပိုးရောဂါများ

ထိုမှိုပိုးရောဂါများက နွေးထွေးစိုစွတ်တဲ့ နေရာများမှာ ပိုပေါက်လေ့ရှိပါတယ်။ ဝတဲ့သူ၊ ဆီးချိုရှိသူနဲ့ပိုးသတ်ဆေး ရေရှည်သောက်သူများတွင် အဆိုပါ အရေပြား ပိုပေါက်လေ့ရှိပါတယ်။ ကလေးငယ်များ သေးခံဝတ်ခြင်းကြောင့် ယားနာဖြစ်စေပါတယ်။ ယား၊နီ၊ရောင်မယ်၊ပြည် ရှိနေတတ်ပါတယ်။ ခြေသည်းလက်သည်း၊ ပါးစပ်၊ မိန်းမကိုယ်စသည့် နေရာများတွင်ပိုပေါက်ပါတယ်။ မှိုပိုးကြောင့်ဖြစ်သော ရောဂါများကို အဆိုပါနေရာမှ အရေပြားစအနည်းငယ် ခြစ်ယူရ်ျ မှိုပိုးကို ဓာတ်ခွဲခန်းတွင် ရှာဖွေစမ်းသပ်နိုင်ပါတယ်။

ကုသနည်းများ

မှိုပိုးကြောင့်ဖြစ်သော အရေပြားယားနာများကို ပုံမှန်အားဖြင့် မှိုပိုးသတ်ဆေး သောက်ဆေးများဖြင့် ကုသခြင်း၊ ထိုယားနာပေါက်သော နေရာကို တိုက်ရိုက် လိမ်းဆေးဖြင့် ကုသခြင်းများဖြင့် ကုသမှု ပေးရပါတယ်။ မှိုပိုးသတ်ဆေး လိမ်းဆေးအမျိုးမျိုးရှိပါတယ်။ ခရင်မ်၊ ဂျယ်၊ အရည် နှင့်ခေါင်းလျော်ရည် အမျိုးမျိုးရှိပါတယ်။ ယားနာပေါက်သောနေရာများအား ကုတ်ခြင်း ဖဲ့ခြင်းများသည် ရောဂါပိုးပိုမိုပြန့်ပွားလွယ်ပါတယ်။

အလွန်ယားလျှင် သန့်ရှင်းသော ရေဝတ်ဖြင့်သုတ်ပါ၊ အခြောက်ခံပါ ပြီးလျှင် ယားနာပျောက်ဆေးလိမ်းပါ။ အဝတ်အစားများကို နေ့စဉ်လဲပါ။ ယားနာများသည် သန်ကောင်များရှိလျှင်လည်း ပေါက်တတ်သောကြောင့် သန်ချဆေး ၃လတစ်ခါ သောက်ပါ။ မိန်းမကိုယ်တွင် မှိုရောဂါဖြစ်လျှင် မှိုပိုးသတ်ဆေးအတောင့်များထည့်ခြင်းဖြင့် ကုသမှုပေးရပါတယ်။ ပါးစပ်အတွင်းမှိုနာရှိလျှင် ပါးစပ်ဆေးရည်ဖြင့်နေ့စဉ်ဆေးကြောပေးရပါတယ်။ မိမိကိုယ်တိုင် မှိုပိုးသတ်ဆေးလိမ်း၍ မပျောက်ခဲ့လျှင် အရေပြားအထူးကုဆရာဝန်နှင့်တိုင်ပင်ကုသရန် လိုအပ်ပါတယ်။

ကာကွယ်နည်းများ

မှိုပိုးကြောင့်ဖြစ်သော အရေပြားယားနာများ မဖြစ်အောင် တစ်ကိုယ်ရည်သန့်ရှင်းမှု အထူးဂရုပြုကြပါ။မသန့်ရှင်းသောရေများနှင့် ထိတွေ့လျှင် ဆေးဆပ်ပြာဖြင့် သေချာဆေးကြောပါ။ အောက်ခံ အတွင်းခံ အင်္ကျီ နှင့်မိမိအသုံးအဆောင် အဝတ်အစားများ သဘက် စသည်တို့ကို အမြဲ လဲလှယ်သုံးစွဲပါ။ လျော်ဖွတ်ပါ။ လူအများနှင့်နေထိုင်ရလျှင် အဝတ်အစားသဘက် မျှဝေသုံးစွဲခြင်း မပြုရပါ။ အရေပြားရောဂါ ဖြစ်စေနိုင်သောရောဂါအခံရှိလျှင် ကုပါ။

Source:Dr. ပြည့်ရှင်း(ondr)