What's New


Friday, 16 August 2019 13:50

နှလုံး အားနည်းနေပြီးဆိုတာ ပြနေတဲ့ လက္ခဏာ (၇) မျိုး

ခန္ဓာကိုယ်အတွင်းက အင်္ဂါအစိတ်အပိုင်းတွေ မကျန်းမာဘူးဆိုရင် ခန္ဓာကိုယ်ပြင်ပမှာ သိသာတဲ့လက္ခဏာတွေပြလာတတ်ပါတယ်။

ကျန်းမာရေးအတွက် အရေးကြီးတဲ့အထဲမှာ နှလုံးကျန်းမာဖို့က လူကြီး၊လူငယ်အားလုံးအတွက် အရေးကြီးတာကြောင့် သင့်နှလုံးက အလုပ်သိပ်မလုပ်တော့ဘူး၊ အသက်အန္တရာယ်စိုးရိမ်ရတယ်ဆိုရင် ဖြစ်လာတတ်တဲ့ လက္ခဏာတွေကို ကြိုတင်သတိထားဖို့ ဖော်ပြပေးလိုက်ပါတယ်။

 

(၁) မရပ်မနားချောင်းဆိုးတာ

ချောင်းဆိုးတာဟာ အကြောင်းအမျိုးမျိုးကြောင့်ဖြစ်နိုင်ပြီး ချောင်းအကြာကြီးဆိုးနေတာကျတော့ နှလုံးသွေးကြောပိုင်းက ကောင်းကောင်းအလုပ်မလုပ်လို့ ဖြစ်နိုင်ပါတယ်။ ချောင်းဆိုးတာက နာတာရှည်ဖြစ်လာတဲ့အခါ ၊ အသက်ရှူရခက်ခဲတာ၊ သွေးပါတာတွေဖြစ်နိုင်ပြီး နှလုံးကို ထိခိုက်မှုဖြစ်စေတာပါ။

 

(၂) အသားအရောင်တဖြည်းဖြည်းဖျော့တော့လာတာ

နှလုံးကနေ တခြားခန္ဓာကိုယ်အစိတ်အပိုင်းတွေကို သွေးပို့လွှတ်မှု မကောင်းတဲ့အခါ အသားအရောင်က သွေးရောင် မရှိတော့ဘဲ တစ်နေ့ထက်တစ်နေ့ဖြူဖျော့လာပါတယ်။ ဒါပေမယ့် အသားအရောင်ဖြူဖျော့နေရင် နှလုံးမကောင်းတာကြောင့်လို့ တစ်ထစ်ချ မှတ်ယူလို့မရပါဘူး။ နှလုံးမကောင်းလို့လား၊ သွေးအားနည်းတာကြောင့်လားဆိုတာ သိရဖို့ သေချာစစ်ဆေးရမှာပါ။

 

(၃) လက်မောင်းတလျှောက်နာတာ

နှလုံးကောင်းကောင်းအလုပ်မလုပ်တဲ့အခါ အမျိုးသားတွေမှာ ဘယ်ဘက်လက်မောင်းမှာ နာကျင်တတ်ပြီး ၊ အမျိုးသမီးတွေကတော့ ညာဘက်လက်မောင်းနာကျင်တာကို ပိုသတိထားရမှာဖြစ်ပြီး ဘယ်ဘက်လက်မောင်းလည်း အနည်းငယ်နာကျင်တတ်ပါတယ်။ ဒါကြောင့် ထိခိုက်မှုတွေလည်း မဖြစ်ပါဘဲ လက်မောင်းရင်းနဲ့ လက်မောင်းတလျှောက်မှာ အကြောင်းမဲ့နာကျင်တာတွေဖြစ်ရင် နှလုံးကောင်းကောင်းအလုပ်မလုပ်တာဖြစ်နိုင်ပါတယ်။

 

ရုတ်တရက် မျက်နှာတခြမ်းရွဲ့သွားခြင်းအကြောင်း သိကောင်းစရာ ဖတ်ရှုရန် နှိပ်ပါ 

ရုတ်တရက် မျက်နှာတခြမ်းရွဲ့သွားခြင်းအကြောင်း သိကောင်းစရာ

 

(၄) ခြေထောက်တွေရောင်ရမ်းတာ

နှလုံးကနေ သွေးထုတ်ပေးမှု နည်းတဲ့အခါ ခန္ဓာကိုယ်ရဲ့ တခြားအစိတ်အပိုင်းတွေဆီ သွေးရောက်ရှိမှု နည်းသွားပါတယ်။ ဒါပေမယ့် ခြေထောက်တွေကတော့ မြေဆွဲအားသက်ရောက်မှုနဲ့အနီးကပ်ဆုံးဖြစ်တာကြောင့် ရောင်ရမ်းမှုတွေဖြစ်လာရတာပါ။ သင့်အနေနဲ့ ခြေထောက်တွေဖောင်းတာ၊ ရောင်တာမကြာခဏဖြစ်တတ်ရင် နှလုံးအားနည်းနေတာကြောင့်ဖြစ်နိုင်ပါတယ်။

 

(၅) အချိန်တိုင်းလိုလို ရင်ပြည့်ပြီးပျို့နေတာ

တစ်ခုခုစားလိုက်ပြီဆို တစ်ကိုက်နှစ်ကိုက်လောက် စားပြီးတာနဲ့ ရင်ပြည့်ပြီး ပျို့အန်ချင်လာတာမျိုးဖြစ်နေရင်လည်း မပေါ့ဆသင့်ပါဘူး။ ဘာလို့လဲဆိုတော့ အဲ့လိုဖြစ်တာက အသည်းနဲ့အစာချေအူလမ်းကြောင်းတွေမှာ သွေးလှည့်ပတ်မှု မကောင်းဘူး၊ သွေးရောက်ရှိမှု အရမ်းနည်းနေတာကြောင့်လို့ပြောနိုင်ပါတယ်။

 

(၆) စိတ်အရမ်းဆတ်တာ

နှလုံးက ကောင်းကောင်းအလုပ်မလုပ်လို့ သွေးလှည့်ပတ်မှု မကောင်းတဲ့အခါ စိတ်အရမ်းဆတ်လာပြီး ဒေါသကို ထိန်းချုပ်နိုင်စွမ်းလည်း နည်းလာပါတယ်။ ဒါကြောင့် သင့်အနေနဲ့ စိတ်အရမ်းဆတ်ပြီး၊ စိတ်တိုလွယ်လွန်းနေရင် နှလုံးအားနည်းတာဖြစ်နိုင်တယ်ဆိုတာကို သတိရပါ။

 

(၇) ရုတ်တရက်ခေါင်းမူးပြီးမျက်လုံးတွေပြာသွားတာ

နှလုံးက သွေးကောင်းကောင်းမထုတ်ပေးတဲ့အခါ သွေးလွှတ်ကြောတွေမှာ သွေးခဲတာမျိုးတွေဖြစ်လာပြီး နှလုံးသွေးကြောက တဖြည်းဖြည်းကျဉ်းမြောင်းလာပါတယ်။ တခါတလေ အသက်ရှူကြပ်တာမျိုး၊ ရုတ်တရက်ခေါင်းမူးပြီး မျက်လုံးတွေပြာလာတာမျိုးဖြစ်တတ်ပါတယ်။ အဲ့ဒီလိုတွေ ခဏခဏဖြစ်ဖူးတယ်ဆိုရင် ဆရာဝန်နဲ့ပြသင့်နေပါပြီ။

 

auntymay

Read times
Rate this item
(1 Vote)