What's New




Monday, 04 September 2017 14:02

ကလေးနေမကောင်းတဲ့အခါ အစာကျွေးရမှာလား အစာဖြတ်ရမှာလား

ကလေးနေမကောင်းတဲ့အခါ အစာကျွေးရမှာလား အစာဖြတ်ရမှာလား google.com

ကလေးနေမကောင်းဖြစ်တဲ့အခါမှာ အာဟာရဖြစ်ဖို့အတွက် အင်အားဖြစ်ဖို့အတွက် အစားအစာ စားဖို့ပိုလိုတယ်။ အရည်လဲများများသောက်ဖို့လိုတယ်။

သို့သော် နေမကောင်းတဲ့အခါကျ ကလေးအများစုက ခံတွင်းပျက်နေလို့မစားတာမျိူးတွေရှိတယ်။ နောက်ပြီး မိဘကလည်း အစာကျွေးလိုက်လို့ရှိရင် ပိုဖျားမလား၊ အဖျားတာရှည်မလားဆိုပြီး မကျွေးတာလည်းရှိမယ်။

အဲ့လိုအစာမကျွေးရင် ကလေးက  ရောဂါကို ခုခံတိုက်ဖို့ အင်အားမရှိတော့တဲ့အတွက် ရောဂါဒဏ်ကိုပိုခံရပါတယ်။

နောက်ပြီး ကလေးဖျားလို့ရှိရင် အဖတ်မကျွေးရဘူး။ အရည်ပဲတိုက်ရမယ် သို့မဟုတ် ရေပဲတိုက်ရမယ်လို့ အယူစွဲနေတဲ့ မိဘများလည်း ရှိပါတယ်။

ဒီအယူမှားဟာ တိုက်ဖွိုက်လို့ခေါ်တဲ့ တစ်လနီးပါး အဖျားကြာရှည်တဲ့ အူရောင်ငန်းဖျားရောဂါစပေါ်လာတဲ့ အချိန်က စခဲ့တယ်လို့ ထင်ပါတယ်။

အူရောင်ငန်းဖျားဖြစ်တဲ့အခါ အူလမ်းကြောင်းမှာ အနာဖြစ်တဲ့အတွက်ကြောင့် အစာမာ ကျွေးလို့ရှိရင် အစာနဲ့အူအနာနဲ့ ပွတ်တိုက်ပြီး အူပေါက်ပြီး အန္တရာယ်ရှိနိုင်တဲ့အတွက် အူရောင်ငန်းဖျား ရောဂါမှာ အစာအဖတ်မကျွေးရဘူးလို့ ကန့်သတ်ထားတာပါ။

အကြမ်းအားဖြင့်ပြောရရင် အူရောင်ငန်းဖျားဖြစ်ရင် တောင်မှ စဖျားတဲ့ ပထမအပတ်မှာ အစာကျွေးလို့ရပါတယ်။ ဘာပြသာနာမှလဲမရှိနိုင်ပါဘူး။ ဒီအချိန်ကာလမှာ အူမှာအနာမဖြစ်သေးဘူးလေ။ ဖျားတဲ့ဒုတိယအပတ်မှာတော့ အစာမာမကျွေးပါနဲ့။

ခြုံပြောရရင် ကလေးနေမကောင်းဖြစ်ရင် အစာမဖြတ်ပါနဲ့။ သို့သော် အဖျားကြာရှည်တဲ့ကလေးကို အူရောင်ငန်းဖျားလို့ သံသယရှိရင်တော့ ဖျားတဲ့ဒုတိယမြောက်အပတ်မှာတော့ အစာမာ မကျွေးပါနဲ့။ ပထမအပတ်မှာတော့ အရည်ရော အဖတ်ရော ကျွေးလို့ရပါတယ်။

နေမကောင်းတဲ့ကလေးကို အရည်များများတိုက်စေချင်တယ်။ အရည်ဆိုတာ ရေတစ်မျိုးတည်းကိုပဲ ဆိုလိုတာ မဟုတ်ပါဘူး။ စွပ်ပြုတ်ရည်၊ ဆန်ပြုတ်ကျဲကျဲ၊ နို့ ၊ အိုဗာတင်းတို့လို အာဟာရဖြစ်မယ့်အရည်တွေ တိုက်ဖို့လိုပါတယ်။

ဘာလို့လဲဆိုတော့ ဖျားနေတဲ့အချိန်မှာ ချွေးထွက်မယ်။ နောက်ပြီး ကလေးက အသက်ရှုမြန်နေတဲ့အခါ ခန္ဓာကိုယ်ထဲမှာ ရှိတဲ့ အရည်ဓါတ်တွေဟာ ပိုပြီးဆုံးရှုံးတဲ့အတွက် အရည်ခန်းခြောက်တဲ့ပြသာနာ ပိုဖြစ်နိုင်လို့ပါ။

နောက်ထပ်ပြောရရင် တစ်ချို့အခြေအနေတွေမှာ တချို့အစားသောက်တွေကို မကျွေးသင့်တာမျိုးလည်းရှိပါတယ်။

ဥပမာဆိုရင် ဝမ်းပျက်နေတဲ့ကလေးကို ကော်ဖီ၊ လက်ဖက်ရည်၊ အချိုရည်၊ ခရမ်းချဉ်သီး၊ မန်ကျည်းသီး၊ ငရုတ်သီးစတဲ့ အစားအစာတွေ လုံးဝမကျွေးသင့်ပါ။

နောက်ဝမ်းပျက်ပြီး ပြန်ကောင်းခါစမှာ အစာကြေဖို့ခက်မယ့် အစားအစာတွေဖြစ်တဲ့ အမျှင်ဓါတ်များများပါသော (ဥပမာ ရုံးပတီသီး၊ ကန်စွန်းရွက်၊ ဘူးရွက်၊ မျှစ် စတဲ့ဟင်းသီးဟင်းရွက်များ) ကိုကျွေးဖို့မသင့်တော်ပါဘူး။

ဝမ်းပျက်နေတဲ့အချိန်နဲ့ ဝမ်းပျက်ပြီး ပြန်ကောင်းခါစမှာ ဘာတွေကျွေးရမလဲဆိုရင် ဆန်ပြုတ်၊ စွပ်ပြုတ်၊  မြူစွမ်၊ ထမင်းပျော့ပျော့ တို့ကို ငါးနဲ့ကျွေးလို့ရပါတယ်။ အရည်များများ တိုက်ဖို့တော့လို့ပါတယ်။

ဒီမှာမိဘတွေအနေနဲ့ထပ်မေးစရာရှိတာက ကလေးကိုနေမကောင်းတဲ့အခါ အစာကျွေး အရည်များများတိုက်တာတော့ ဟုတ်ပါပြီ။ ဒါပေမယ့် ကလေးက အန်နေရင် သို့မဟုတ် အရည်ကိုမသောက်ချင်ဘဲနဲ့ ခံတွင်းပျက်နေတယ် ဆိုရင်ကော ဘယ်လိုလုပ်မလဲဆရာလို့ မေးရပါမယ်။

အဲ့လိုကလေးမျိုးကျ နည်းနည်းချင်းစီ နည်းနည်းချင်းစီ နဲ့ ချော့ပြီးတော့ ခဏခဏ အရည်တိုက်သွားပါ။

ကလေးက အန်တုန်းတော့ အများကြီးမအန်တော့ပါဘူး၊ ကိုယ်ခန္ဒာထဲမှာ အထိုက်အလျောက်တော့ ကျန်မယ့် သဘောရှိပါတယ်။ တကယ်လို့လုံးဝမဝင်ဘူးဆိုရင်တော့ ဆေးခန်းသွားပြီး ဆရာဝန်နဲ့ သေချာပြသပေးပါ။

READ - လျစ်လျူမရှုသင့်သော ကလေးငယ်တို့၏ ရောဂါလက္ခဏာ (၆) မျိုး

Source: ondoctor

Read times
Rate this item
(1 Vote)

Latest Articles