လေထုညစ်ညမ်းမှုကြောင့် ကမ္ဘာပေါ်တွင် လူဦးရေလေးသန်းခန့် နှစ်စဉ်အသက်ဆုံးရှုံးနေရသည် ဟုကမ္ဘာ့ကျန်းမာရေးအဖွဲ့ကထုတ်ပြန်ထားသည်။
အစားအသောက်ချက်ပြုတ်ရာတွင် အသုံးပြုသည့် မီးသွေး၊ ထင်း၊ နွားချေး၊ ကျောက်မီးသွေး၊ ဇီဝလောင်စာစသည်တို့မှထွက်သည့် မီးခိုးငွေ့များကအိမ်တွင်းလေထုညစ်ညမ်းခြင်းကို ဖြစ်ပေါ်စေပြီးအမျိုးသမီးများနှင့် ကလေးငယ်များ၏ ကျန်းမာရေးကိုအဓိက ခြိမ်းခြောက်နေသည့် ပြဿနာတစ်ရပ် ဖြစ်လာနေသည်။
မီးဖိုချောင်ရဲ့ မီးခိုးငွေ့ကိုအသံတိတ်လူသတ်သမားအဖြစ် ကျန်းမာရေးစစ်တမ်းတွေကပြောလာသည်ဟုအထွေထွေရောဂါကုဆရာဝန် မှ ဆိုသည်။
လူဦးရေထူထပ်လာသည့် ရန်ကုန်မြို့တွင် အထပ်မြင့်တိုက်များဖြင့် နေရာထိုင်ခင်းအတွက် ဖြေရှင်းနေသော်လည်းတိုက်ခန်းအများစုသည် ကျဉ်းမြောင်းကာလေဝင်လေထွက်မကောင်းပေ။
လေဝင်လေထွက် မကောင်းသည့် တိုက်ခန်းထဲတွင် မီးဖိုချောင်မှထွက်သည့် မီးခိုးနံ့၊ ညှော်နံ့၊ ဆေးလိပ်ငွေ့၊ ခြင်ဆေးခွေနှင့် အမွှေးတိုင်ထွန်းရာမှ ထွက်လာသည့်အနံ့များကိုနေ့စဉ်ရှူရှိုက် နေရသော်လည်း ၎င်းတို့သည် ကျန်းမာရေးနှင့်ပတ်သက်သည့် ပြဿနာများ ဖြစ်ပေါ်လာနိုင်မည်ကိုသတိမမူမိကြချေ။ အိမ်တွင်းလေထုညစ်ညမ်းမှု ဖြစ်စေသောယင်းအဆိပ်ငွေ့များသည် တဖြည်းဖြည်းချင်းအသက်ရှူလမ်းကြောင်းအတွင်းသို့ ဝင်ရောက်သွားသည်။
မြို့ပြ တိုက်ခန်းတွေကကျဉ်းလာသည်။လေဝင်လေထွက် ပြတင်းပေါက်မရှိဘူး။ အရင်ခေတ်ကဆောက်ချင်သလိုဆောက်ပြီးဥပဒေမဲ့၊ စည်းမဲ့ကမ်းမဲ့လုပ်ခဲ့တာကြောင့် တချို့တိုက်တွေဆိုပြတင်းပေါက်တောင် မပါတော့ဘူး။ လူတွေကလည်းကိုယ့်အိုးကိုယ့်ဆန်နဲ့ အဆင်ပြေအောင်နေရတော့ ဒါကိုမတွက်မိလိုက်ဘူး။
ကြာလာတဲ့အခါ အိမ်တွင်းမှာရောပတ်ဝန်းကျင်မှာပါ လေထုညစ်ညမ်းမှုဒဏ်ခံစားလာရပြီး အသက်ရှူလမ်းကြောင်းဆိုင်ရာရောဂါတွေ၊ နှလုံးနဲ့ သွေးကြောဆိုင်ရာရောဂါတွေ ဆက်စပ်ဖြစ်ပေါ်လာတာတွေ့ရသည်သိရသည်။
အလုံပိတ်တိုက်ခန်းများတွင် လေအေးစက်များအသုံးပြုပြီးနေထိုင်ပါကအပြင်လေနှင့်အတွင်းလေမျှတမှုမရှိခြင်း၊ အိမ်တွင်းသန့်ရှင်းမှုအားနည်းခြင်း၊ တစ်ကိုယ်ရေသန့်ရှင်းမှုနှင့် အိမ်ထောင်ပရိဘောဂများ သန့်ရှင်းမှုညံ့ဖျင်းခြင်းများကရောဂါများကိုလက်ယပ်ခေါ်နေသကဲ့သို့ ဖြစ်နေသည်။
သန့်ရှင်းတဲ့လေကို ပြည့်ပြည့်ဝဝ မရှူရသည့်အတွက် အဆောက်အအုံအတွင်းမှာရှိသောလေနှင့် အဆောက်အအုံ ပြင်ပမှာရှိတဲ့လေကိုသင့်တင့်မျှတအောင် အလဲအလှယ် လုပ်ခွင့်မရဘူး။ အလုံပိတ်အိမ်မှာလေအေးစက်နဲ့ Exhaust Fun ကိုအားကိုးပြီးနေရသူတွေမှာအသက်ရှူလမ်းဆိုင်ရာရောဂါတွေ၊ အဆုတ်အအေးမိတာ၊ အဆုတ်ရောင်ရောဂါတွေ ဖြစ်လာကြတယ်။ အခုဆိုပိုတွေ့လာရသည်။
ဆေးလိပ်သောက်သူတွေမှာအဲဒီရောဂါ ဝင်သွားရင် နှလုံးခုန်နှုန်းမမှန်တာ၊ မြန်တာစတဲ့ နောက်ဆက်တွဲဆိုးကျိုးရသွားတဲ့ Case တွေလည်းတွေ့နေသည် ဟုလုပ်ငန်းခွင်ကျန်းမာရေးဌာန (အငြိမ်းစား) ညွှန်ကြားရေးမှူး မှ ပြောသည်။
ထို့အပြင် အဆောက်အအုံအဟောင်းများ၌ လေဝင်လေထွက် သန့်ရှင်းမှုမရှိသောကြောင့် ပရိဘောဂများမှိုစွဲခြင်း၊ အိပ်ရာခင်း၊ ခေါင်းအုံးစွပ်၊ ခြင်ထောင်များတွင် ဖုန်မှုန့်နှင့်ပိုးမွှားများကပ်ငြိပြီးဓာတ်မတည့်ဖြစ်ခြင်း၊ အင်ပြင်ထွက်ခြင်း၊ ပန်းနာရင်ကျပ် ရောဂါအခံရှိသူများတွင် ပို၍ ရောဂါဆိုးခြင်းများ ဖြစ်လာစေနိုင်ပါသည်။
အိမ်တွင်းလေထုညစ်ညမ်းခြင်းဒဏ် ခံစားနေရသည့် ရန်ကုန်နေ ပြည်သူများသည် ယာဉ်ကြောကျပ်တည်းမှုကြောင့် ထွက်ပေါ်လာသည့် မီးခိုးငွေ့ များ၊ စက်မှုဇုန်များမှ ထွက်လာသည့် အမှုန်အမွှားများ၊ လမ်းဘေးဈေးသည်များမှ ရောင်းချနေသည့် အကင်မျိုးစုံမှ အနံ့များ၊ မီးစက်များမှ ထွက်သည့် အခိုးအငွေ့များကြောင့် ပတ်ဝန်းကျင်လေထုညစ်ညမ်းမှုဒဏ်ကိုပါ ထပ်ဆင့်ခံစားနေရသည်။
အခုဆိုရင် လေထုညစ်ညမ်းတာကဆိုးလာသည်။ကားတွေကပိတ်တော့ Heat တွေတက်လာပြီး ကာဗွန်အငွေ့တွေ ထွက်လာသည်။နောက်လမ်းဘေးဈေးသည်ရဲ့အကင်တွေကထွက် တဲ့မီးခိုးတွေကလည်းဆိုးတယ်။ ပတ်ဝန်းကျင်ကိုတော်တော်ထိခိုက်တယ်။ ဒါတွေကအဆိပ်ငွေ့တွေပဲ။ ကြာလာရင် ကျန်းမာရေးပြဿနာတွေ ဖြစ်လာကြမည်။နည်းလမ်းရှာဖို့လိုကြောင်းသိရသည်။
ရန်ကုန်မြို့လေထုတွင် ကာဗွန်ဒိုင်အောက်ဆိုက်၊ မီသိန်းနှင့် ဆာလဖာဒိုင်အောက်ဆိုက် ကဲ့သို့သောဓာတ်များသည် ကမ္ဘာ့ကျန်းမာရေးအဖွဲ့ (WHO)၏စံနှုန်းသတ်မှတ်ချက်ထက် ပိုများနေသည်ဟုရန်ကုန်မြို့တော် စည်ပင်သာယာရေးကော်မတီပတ်ဝန်းကျင်ထိန်းသိမ်းရေးနှင့် သန့်ရှင်းရေးဌာန၏ လေထုအရည်အသွေးတိုင်းတာရေးရလဒ်များကဖော်ပြနေသည်။
ရန်ကုန်မြို့၏ လေထုအရည်အသွေးကိုတိုင်းတာစစ်ဆေးရင်းတစ်ဖက်၌လည်းကျန်းမာရေးနှင့် ဆက်စပ်သည့် အခြေအနေများကိုလေ့လာရာတွင် ကလေးများ၌ ပန်းနာရင်ကျပ်ရောဂါ ဖြစ်ပွားနှုန်းများလာသည်ကိုတွေ့ရသည်ဟုလုပ်ငန်းခွင်ကျန်းမာရေးဌာန ညွှန်ကြားရေးမှူး မှ ပြောသည်။
ကလေးများတွင်ကားတွေကထွက်တဲ့ အိတ်ဇောဓာတ်ငွေ့ကိုတိုက်ရိုက်ရှူရှိုက်မိတာကြောင့် အရပ်ဖွံ့ဖြိုးမှုကိုထိခိုက်စေနိုင်တယ်။ အဆုတ်ဖွံ့ဖြိုးမှုနှုန်းကလည်းလူကြီးတွေထက်စာရင် ပိုခံနိုင်ရည်မရှိ ဖြစ်နေတယ်။ အဆုတ်ကလည်းဖွံ့ဖြိုးနေတဲ့အချိန်တွေမှာထိခိုက်မိသလို ဖြစ်တယ်။ အဆုတ်ရဲ့လုပ်ငန်းဆောင်တာကျနေတယ်လို့ ပြော၍ရသည်။
လေထုညစ်ညမ်းမှုနှင့် ကလေးများ၏ ကျန်းမာရေးအခြေအနေဆက်စပ်ခြင်းရှိ၊ မရှိကိုရန်ကုန်ကလေးဆေးရုံကြီး (ဟယ်ပင်) နှင့် ရန်ကင်းကလေးဆေးရုံကြီးမှရရှိလာသောဒေတာများကိုဆန်းစစ်ရာ ၂၀၁၃ မှ ၂၀၁၅ အတွင်းနမိုးနီးယားရောဂါနှင့် ပန်းနာရင် ကျပ်ရောဂါများ ဖြစ်ပွားနှုန်းပိုမြင့်လာသည်ကိုတွေ့ရခြင်းဖြစ်သည်။ အသက် (၅) နှစ်အောက် ကလေးများတွင် နမိုးနီးယားရောဂါကြောင့် သေဆုံးမှုသည် ၅၀ ရာခိုင်နှုန်းကျော်ရှိပြီးယင်းသည် အိမ်တွင်းနှင့် ပတ်ဝန်းကျင်လေထုညစ်ညမ်းမှုများနှင့် ဆက်စပ်မှုရှိနေသည်ဟုကမ္ဘာ့ကျန်းမာရေးအဖွဲ့၏ ကျန်းမာရေးစစ်တမ်းများကဆိုသည်။
အိမ်တွင်းလေထုညစ်ညမ်းမှုကြောင့် နမိုးနီးယားရောဂါဖြစ်ပွားသူ ၁၂ ရာခိုင်နှုန်း၊ လေဖြတ်ရောဂါဖြစ်ပွားသူ ၃၄ ရာခိုင်နှုန်းနှင့် နှလုံးသွေးကြောပိတ်ရောဂါ ဖြစ်ပွားသူ ၂၆ ရာခိုင်နှုန်းအထိရှိနေသည်။ ၂၂ ရာခိုင်နှုန်းမှာအဆုတ် ရောဂါဖြစ်ပွားနေပြီး ၆ ရာခိုင်နှုန်းမှာအဆုတ်ကင်ဆာဖြစ်၍ သေဆုံးနေကြရသည်ဟုကမ္ဘာ့ကျန်းမာရေးအဖွဲ့က ၂၀၁၂ စစ်တမ်းတွင် ဖော်ပြထားသည်။
ထို့ကြောင့် လေထုညစ်ညမ်းခြင်းကြောင့် အချိန်မတိုင်မီအသက်ငယ်ငယ်ဖြင့် ဖျားနာသေဆုံးမှုမဖြစ်စေရန် လေထုသန့်စင်အောင် ဆောင်ရွက်ရန်လိုသည်။ လေထုညစ်ညမ်းမှု ဖြစ်ပေါ်စေသောအရာများကိုဆန်းစစ်လေ့လာပြီးလျှော့ချနိုင်မည့် စီမံကိန်းတစ်ခုရန်ကုန်မြို့အတွက် ရေးဆွဲရန်လိုအပ်နေပြီဖြစ်ကြောင်းကျန်းမာရေးဆိုင်ရာ ကျွမ်းကျင်သူများကအကြံပြုသည်။
အိမ်တွင်းလေထုညစ်ညမ်းမှုလျော့ကျအောင် နေသာတဲ့ရက်တွေမှာ ပြတင်းပေါက်တွေအကုန်ဖွင့်ပြီး လေဝင်လေထွက်ကောင်းအောင် လုပ်ရမည်။မီးခိုးငွေ့၊ ညှော်နံ့များတဲ့နေရာမှာနေသူတွေ က Exhaust Fun (မီးခိုးထုတ်လွှတ်သည့်ပြွန်ပေါက်) ထားသင့်သည်။အဲကွန်းအသုံးပြုသည့် အိမ်တွေမှာအိမ်အတွင်းလေနဲ့ အပြင်လေကိုလေးနာရီခြားတစ်ခါ၊ ခြောက်နာရီခြားတစ်ခါလောက် ဖလှယ်သန့်စင်ပေးနိုင်ရင် ပိုကောင်းသည် ဟုဒေါက်တာမှ အကြံပြုသည်။ အဲကွန်းကိုဆက်တိုက်မဖွင့်ဘဲလေးနာရီ (သို့မဟုတ်) ခြောက်နာရီတစ်ခါ ပိတ်၍ တံခါးပေါက်များဖွင့်ပြီးအပြင်လေဝင်အောင် ပြုလုပ်ပေးရန် အကြံပြုခြင်းဖြစ်သည်။
သို့သော် ရန်ကုန်မြို့နေ ပြည်သူအများစုကမူမီးဖိုချောင်ခန်းမှ လေထုညစ်ညမ်းမှုက ကျန်းမာရေးထိခိုက်စေနိုင်သည်ကိုမသိရှိကြပေ။
လေထုညစ်ညမ်းမှုကြောင့် လူတွေကျန်းမာရေးထိခိုက်တယ်လို့ စစ်တမ်းတွေကပြောတာမသိပါဘူး။ ရန်ကုန်မှာလေထုညစ်ညမ်းမှု ဖြစ်နေတယ်ဆိုတာသတင်းတွေမှာလည်းသိပ်မတွေ့ရဘူး။ အသိပညာပေးမှုတွေ လုပ်သင့်ပါသည်။
လေထုညစ်ညမ်းမှု ဖြစ်စေသောအရာများကိုတစ်ပွဲတိုးနည်းဖြင့် လျော့ကျအောင်လုပ်၍ မရဘဲသေချာစနစ်တကျ စီမံကိန်းချပြီးကျန်းမာရေးဝန်ကြီးဌာနနှင့် အခြားသော နှီးနွှယ်သည့် ဝန်ကြီးဌာနများစုပေါင်းပြီးလုပ်ဆောင်သင့်သည်ဟု ၎င်းက ပြောသည်။
ပတ်ဝန်းကျင် လေထုညစ်ညမ်းမှုကိုဖြစ်စေသောအကြောင်းရင်းများ (ကားအမျိုးအစား၊ လောင်စာဆီအမျိုးအစား၊ ကားအစီးအရေအတွက်)ကိုဆန်းစစ်ရှာဖွေခြင်း၊ မြို့ပြသန့်ရှင်းရေးဖုန်၊ အမှိုက်ထွက်ရှိမှု လျှော့ချခြင်း၊ စက်မှုဇုန်များမှ ထွက်လာသည့် အမှုန်အမွှားများလျော့ကျအောင် ပြုပြင်ခြင်းစသဖြင့် နည်းလမ်းရှာဖွေပြီးဘက်ပေါင်းစုံမှ လျော့ကျအောင် ပြုလုပ်ရန် လိုအပ်သည်။
လေထုညစ်ညမ်းမှုပြဿနာကိုဖြေရှင်းရာမှာတစ်ဦးချင်းစီရဲ့ အသိနဲ့လည်းဆိုင်ပါတယ်။ ဆေးလိပ်မသောက်ရဆိုသည့် နေရာမှာသောက်နေတာမျိုးကမဖြစ်သင့်ဘူး။ စည်းကမ်းမရှိတာတွေ ပြင်ဖို့လိုတယ်။ အစိုးရပိုင်းကလည်းမူဝါဒတွေ ချမှတ်ဖို့လိုသလိုလွှတ်တော်ပိုင်းကလည်းသဘာဝပတ်ဝန်းကျင်ထိခိုက်မှုကိုကာကွယ်နိုင်မယ့် ဥပဒေ၊ နည်းဥပဒေတွေကိုလိုအပ်ရင် ဝိုင်းဝန်းပြဋ္ဌာန်းဖို့လိုတယ်။ ပုဂ္ဂလိကလုပ်ငန်းရှင်တွေကလည်းကိုယ့်ရဲ့ စီးပွားရေးတစ်ခုတည်းမကြည့်ဘဲသဘာဝပတ်ဝန်းကျင် ထိခိုက်မှုမဖြစ်အောင် တတ်နိုင်သမျှထိန်းပြီးလုပ်ကိုင်ရမည် ဟုပြောကြားခဲ့ကြောင်းသိရသည်။
လက်ရှိတွင် ရန်ကုန် လေထုထဲတွင် ဖုန်နှင့်အမှုန်အမွှားပါဝင်မှုများနေသော်လည်းအဆိပ်သင့်ဓာတ်ငွေ့ပါဝင်မှု နည်းပါးနေသေးသဖြင့် ယခုထက်ပို၍ လေထုညစ်ညမ်းမှု မဆိုးလာရန် ရေတိုရေရှည်စီမံကိန်းများချမှတ်လုပ်ဆောင်သင့်သည်ဟုပညာရှင်များကအကြံပြုသည်။
Source:Shweproperty
Read: စစ်တွေဘက်တွင် ခရုမှတစ်ဆင့်ကူးစက်သော Schistosomiasis ( ဆီစတို ဆိုမီယက်ဆစ်စ်) ရောဂါဆန်းတမျိုးတွေ့ရှိ
