ငါးမျက်စိဆိုတာ အရေပြားပေါ်မှာ အနီရောင်၊အကြည်ရောင် သို့မဟုတ် အရေပြားအရောင်ရှိတဲ့ အဖုသေးသေးလေးတွေဖြစ်လာတာကိုပြောတာပါ။

Molluscum Contagiosum Virus ( MCV ) ၀င်ရောက်ကူးစက်ခံရလို့ဖြစ်တာပါ။

ရောဂါပိုးရှိသူရဲ့အနာ သို့မဟုတ် ခန္ဓာကိုယ်ကထွက်တဲ့အရည်နဲ့ မိမိအရေပြားနဲ့ ထိတွေ့တာ-

ရောဂါပိုးရှိသူရဲ့ တဘက်၊ ပုဝါ၊ အ၀တ်အစား စတဲ့အသုံးအဆောင်ပစ္စည်းတွေနဲ့ထိတွေ့မိတာ-

ရောဂါပိုးရှိသူနဲ့လိင်ဆက်ဆံတာ စတဲ့နည်းလမ်းတွေနဲ့ တယောက်ကနေတယောက်ကို ကူးစက်နိုင်ပါတယ်။

အသက်၁နှစ်ကနေ ၅နှစ် အတွင်း ကလေးငယ်တွေ-

ရောဂါကြောင့် သို့မဟုတ် အကြောင်းအမျိုးမျိုးကြောင့် ကိုယ်ခံအားနည်းသူတွေ-

လိင်ဆက်ဆံဖက်များသူတွေမှာ ဒီMCV ဗိုင်းရပ်စ်ပိုးဟာ ၀င်ရောက်ကူးစက်နိုင်ခြေများပါတယ်။

ငါးမျက်စိအဖုလေးတွေဟာအရေပြားရဲ့ဘယ်နေရာမှာမဆိုဖြစ်နိုင်ပေမယ့် မျက်နှာ၊လည်ပင်း၊ရင်ဘတ်၊လက်၊ပေါင်ခြံ၊မျိုးပွားအင်္ဂါ စတဲ့နေရာတွေမှာ အများအားဖြင့် ပေါက်လေ့ရှိပါတယ်။

ခြေဖ၀ါး၊လက်ဖ၀ါး၊မျက်ခွံနဲ့ပါးစပ်ထဲမှာပေါက်တာမျိုးတော့ရှားပါတယ်။

ငါးမျက်စိဟာ တခြားသူကိုကူးစက်နိုင်သလို စစဖြစ်တဲ့အရေပြားနေရာကနေ တခြားအရေပြားနေရာတွေဆီကိုလည်း ပျံ့နှံ့နိုင်ပါတယ်။

အများအားဖြင့်ကတော့ ငါးမျက်စိဟာ ကိုယ်ခံအားကောင်းတဲ့သူတွေမှာဆိုရင် ဖြစ်ပြီး သုံးလေးပတ် လောက်အကြာမှာ သူ့ဘာသာသူပျောက်သွားနိုင်ပါတယ်။တချို့သူတွေမှာတော့ လချီ နှစ်ချီကြာနေတာမျိုးလည်းရှိတတ်ပါတယ်။

သူ့ဘာသာသူပျောက်ပေမယ့်လည်း လူမြင်ကွင်းနေရာမှာငါးမျက်စိပေါက်တဲ့အခါ သူသူကိုယ်ကိုယ် အမြန်ဆုံးပျောက်ချင်ကြပါတယ်။

ဒီလိုဆိုရင်တော့ အောက်ပါကုသနည်းလမ်းများကိုအသုံးပြုနိုင်ပါတယ်။

Salicylic acid ပါတဲ့လိမ်းဆေးလိမ်းတာ ၊

ထုံဆေးပေးပြီးခွဲထုတ်တာ ၊

ငါးမျက်စိအဖုကိုခြစ်ထုတ်တာ ၊

အေးခဲစေပြီးကုသခြင်း ( Cryotherapy)

Diathermy နဲ့တို့ပြီး အဖုကိုဖျက်ဆီးတာ စသဖြင့်လုပ်နိုင်ပါတယ်။

ဒီနည်းတွေထဲကမှ လိမ်းဆေးလိမ်းကြည့်တာကတော့ ဆရာဝန်နဲ့ပြသဖို့မလိုဘဲ မိမိဘာသာဝယ်လိမ်းလို့ရတယ်လို့ပြောပေမယ့်လည်း ငါးမျက်စိလိမ်းဆေးတွေရဲ့အာနိသင်ကပြင်းတော့ ကိုယ်လိမ်းရမယ့်ပမာဏနဲ့လိမ်းပုံလိမ်းနည်းမသိဘဲလိမ်းမိရင် မလိုလားအပ်တဲ့ဘေးထွက်ဆိုးကျိုးတွေရနိုင်လို့ပါ။

အထူးသဖြင့်အရမ်းငယ်တဲ့ကလေးတွေငါးမျက်စိပေါက်တဲ့အခါ ဆရာဝန်နဲ့မပြဘဲ အရပ်ထဲကကောင်းတယ်လို့ပြောတဲ့လိမ်းဆေးတွေလျှောက်လိမ်းပေးတာမျိုးရှောင်သင့်ပါတယ်။

တချို့ကလဲ ငါးမျက်စိပေါက်ရင် ပေါက်တဲ့အဖုတွေကို အထဲကအဆံပါထွက်အောင်ညှစ်ထုတ်တဲ့နည်းကို သုံးတတ်ကြပါတယ်။ဒီနည်းဟာတကယ်ဆိုရင် အန္တရာယ်များပါတယ်။ညှစ်ထုတ်တဲ့အခါလက်မသန့်ရင် အခန့်မသင့်ရင် တခြားပိုးတွေပါဝင်ပြီးပိုဆိုးနိုင်ပါတယ်။ဒါ့အပြင် ညစ်ထုတ်လိုက်လို့ထွက်လာတဲ့အရည်နဲ့အဆံတွေကိုသေချာမစွန့်ပစ်မရှင်းလင်းပါက တခြားအရေပြားနေရာတွေနဲ့ မိမိနဲ့အနီးကပ်နေတဲ့သူတွေကိုပါ ကူးစက်နိုင်ခြေပိုများပါတယ်။

ဒါကြောင့် အဆုံးသတ်အနေနဲ့အကြံပေးရရင် ငါးမျက်စိဖြစ်ပါက အရေပြားကျွမ်းကျင်ဆရာဝန်နဲ့ပြသပါ။

ပြသခဲ့တဲ့ဆရာဝန်ကညွန်ကြားတဲ့ ကုထုံးအတိုင်း အပိုအလိုမရှိလိုက်နာပါ။

ဆရာဝန်က ပြန်လာပြရန်ချိန်းတဲ့ ရက်ချိန်းအတိုင်းမှန်မှန်ပြပါ။

ဖြစ်တဲ့အရေပြားနေရာကနေ တခြားအရေပြားနေရာတွေဆီမပျံ့နှံ့အောင် အဖုတွေကိုမကုတ်ပါနဲ့။ယားလို့မတော်တဆကုတ်မိပါကလည်း ကုတ်မိပြီးရင်ချက်ချင်းလက်ကိုဆပ်ပြာနဲ့သေချာဆေးပါ။

မိမိနဲ့အနီးကပ်နေတဲ့သူတွေနဲ့တခြားသူတွေကို ကူးစက်နိုင်ခြေနည်းအောင် ရောဂါမပျောက်မချင်း တခြားသူတွေနဲ့ အသုံးအဆောင်ပစ္စည်းတွေမျှဝေသုံးစွဲတာ အများသုံးရေကူးကန်နဲ့ရေချိုးခန်းတွေမှာ ရေချိုးတာ ရေကူးတာတွေကိုရှောင်ပါ။

Health Product directory

Source: On doctor

 Read: BPI စက်ရုံက ဆေးအသစ် ခြောက်မျိုး ဈေးကွက်ထဲ ဖြန့်တော့မယ်