What's New

မူဆယ်မြို့ မြန်မာ-တရုတ် ချစ်ကြည်ရေးအသင်း (မူဆယ်ရုံးခွဲ) နှင့် ရွှေလီမြို့အစိုးရတို့ ပူးပေါင်း၍ မျက်စိအတွင်းတိမ်၊ အပြင်တိမ်နှင့် မျက်စိရောဂါ ဝေဒနာရှင်များအား တရုတ်နိုင်ငံမှ မျက်စိရောဂါ အထူးကုဆရာဝန်ကြီးများမှ စမ်းသပ် စစ်ဆေးမှုများ ပြုလုပ်ပေးသွားမည် ဖြစ်ကြောင်း သိရသည်။   ထို့အတွက် မြန်မာ-တရုတ် ချစ်ကြည်ရေးအသင်းမှ တာဝန်ရှိသူများသည် မူဆယ်နယ်စပ်ဒေသတွင် မျက်စိရောဂါဝေဒနာ ခံစားနေရသူများအား ကြိုတင် အမည်စာရင်း ကောက်ခံလျက် ရှိသည်။   မည်သူမဆို မျက်စိရောဂါဝေဒနာ ကုသလိုသူများအနေဖြင့် စာအုပ်အနီရှိသူများအပြင် ယခုအခါ မူဆယ် - ရွှေလီခရီးသွား အစိမ်းကတ်များ ထုတ်ပေးနေပြီ ဖြစ်သဖြင့် မျက်စိဝေဒနာရှင်များ အမြန်ဆုံး စမ်းသပ် စစ်ဆေးရန်နှင့် ဆေးကုသမှု ခံယူနိုင်ရန်... ဦးရန်ဆူမြင့်နှင့် ဦးအားမြင့် ဦးစီးအဖွဲ့က တရုတ်ဘုံကျောင်း ဦးအုန်းမောင် (ရွှေညာသားမြတ်မင်း) မြန်မာ-တရုတ်ချစ်ကြည်ရေးအသင်း (မူဆယ်ရုံးခွဲ) ရုံးအဖွဲ့မှူး ဦးသန့်ဇင် (တပ်ခွဲမှုး) မိုင်းယု (၁၀၅) မိုင် ကြက်ခြေနီအသင်းရုံးတို့ကို ဆက်သွယ်၍ အမည်စာရင်း ပေးသွင်းနိုင်မည် ဖြစ်သည်။   Advertisement Click Here >Ko Thein Zaw’s   မျက်စိရောဂါဝေဒနာ ခံစားနေရသူများ အနေဖြင့် အမြန်ဆုံး စာရင်းပေးသွင်းနိုင်ပြီး တရုတ်နိုင်ငံမှ မျက်စိရောဂါ အထူးကုဆရာဝန်ကြီးများမှ စမ်းသပ် စစ်ဆေးကာ လိုအပ်သူများကို ရွှေလီမြို့ ပြည်သူ့ဆေးရုံကြီးတွင် အခမဲ့ ခွဲစိတ် ကုသပေးသွားမည်ဟု ဆိုသည်။   လက်ရှိတွင် မူဆယ်မြို့ပေါ်ရှိ ရပ်ကွက်အသီးသီးမှ မျက်စိရောဂါဝေဒနာရှင် (၃၀) ကျော်၊ မိုင်းယု (၁၀၅) မိုင် ကျေးရွာနှင့် မန့်မော်ကျေးရွာ၊ ရွာမကျေးရွာများတွင် မျက်စိရောဂါဝေဒနာရှင် (၂၀) ကျော် စာရင်းကောက်ခံထားပြီး ဖြစ်ကြောင်း သိရသည်။   ယခင်ကလည်း ယခုကဲ့သို့ မျက်စိရောဂါ ဝေဒနာရှင်များအား တရုတ်ဘက်မှ မျက်စိရောဂါ အထူးကုဆရာဝန်ကြီးများဖြင့် ချိတ်ဆက်၍ စမ်းသပ် ခွဲစိတ် ကုသပေးမှုများ လုပ်ဆောင်ပေးခဲ့သည်။

mRNA Covid ကာကွယ်ဆေး သုတေသီများကို နိုဘယ်ဆု ချီးမြှင့်

အဖြစ်များနေသော မျက်စိနာခြင်းအကြောင်း (Adenovial Conjunctivitis)

ကမ္ဘောဒီးယားတွင် ၇ နှစ်အတွင်း ဇီကာကူးစက်မှု ပထမဆုံးဖြစ်ပွားကြောင်း ကြေညာ

စင်ကာပူတွင် သွေးလွန်တုပ်ကွေး တိုက်ဖျက်ရေးအတွက် ခြင် အကောင်ရေ သန်း ၃၀၀ စေလွှတ်

MPT က အာယု နိုင်ငံတကာ ဆေးရုံကြီး၊ ပန်းလှိုင်ဆေးရုံကြီးတို့ နှင့် ပူးပေါင်း၍ နိုင်ငံတစ်ဝန်းရှိပြည်သူများအတွက် အခမဲ့ကျန်းမာရေးပညာပေးအစီအစဥ်ကို မိတ်ဆက် 

ကျောက်ကပ်ဝေဒနာရှင်တွေအတွက် ကျောက်ကပ်ကို စျေးသက်သက်သာသာနဲ့ ဆေးနိုင်မယ့် ရန်ကုန်မြို့က နေရာ (၁၀) ခုကို လိပ်စာ၊ ဖုန်းနံပါတ်နဲ့တကွ စုစည်း ဖော်ပြပေးလိုက်ပါတယ်။    ၁။ ကုတင် (၅၀၀) ဆေးရုံ   ကျောက်ကပ်ဆေးတဲ့ စာအုပ်နဲ့ ကျောက်ကပ်ဆေးဌာနဆီ တစ်ခါထဲ သွားရောက် စာရင်းသွင်းလို့ ရပါတယ်။ တစ်ခါဆေး စက်ခ (၂၀,၀၀၀) ကျပ်ပါ။ လိပ်စာ - မင်းရဲကျော်စွာလမ်း၊ လမ်းမတော် ဖုန်း - 01 230 1620    ၂။ သင်္ကန်းကျွန်း စံပြဆေးရုံ    ပြင်ပလူနာဌာကို လူနာကိုယ်တိုင် လာပြပြီး အပေါ်ထပ်မှာ ကျောက်ကပ်ဆေးဖို့ စာရင်းပေးရမှာ ဖြစ်ပါတယ်။ တစ်ခါဆေး စက်ခ (၁၃,၀၀၀) ကျပ်ပါ။ လိပ်စာ - ဘုရားလမ်း၊ သင်္ဃန်းကျွန်း ဖုန်း - 01 579 890   ၃။ မြင့်မြတ်ဖြူစင်   ဖောင်သွားယူပြီး လျှောက်ရပါတယ်။ ထောက်ခံပေးမယ့် ဘုန်းကြီး (ဒါမှမဟုတ်) သက်ဆိုင်ရာ ဘာသာရေးဆရာ ရဲ့ လက်မှတ်တော့ ပါရပါတယ်။ ဒီမှာက အခမဲ့ပါ။  လိပ်စာ - မဟာဗန္ဓုလလမ်း ( ဗန္ဓုလတံတားအနီး )၊ ဗိုလ်တစ်ထောင် ဖုန်း -  09 977 37 792   ၄။ ဗေသေသဒ ကိုရီးယားဆေးခန်း   စက်အခြေအနေနဲ့ ဘီ၊ စီမေးပြီး လက်ခံပါတယ်။ တစ်ခါသုံး ကျောက်ကပ်တုအပါ တစ်ကြိမ် (၅၇,၀၀၀) ကျပ်ပါ။ လိပ်စာ - ဦးဖိုးလှိုင်လမ်း၊ တံတားဖြူ၊ လှိုင်သာယာ ဖုန်း - 09 261 538 449 ( ဆရာမ မာမီခိုင် )   Advertisement Click Here > Ko Thein Zaw’s   ၅။ ကန်တော်လေးဆေးရုံ    ကျောက်ကပ်ဆေးခက (၅၀,၀၀၀) ကျပ်ဖြစ်ပြီး ကျောက်ကပ်တုက (၂၅,၀၀၀) ကျပ်ပါ။ လိပ်စာ - ဒေါ်သိန်းတင်လမ်း၊ မင်္ဂလာတောင်ညွန့် ဖုန်း - 01 3840 42   ၆။ မြတ်သီရိ   ဖွင့်တာ သိပ်မကြာသေးတဲ့ ကုသိုလ်ဖြစ်ဆေးခန်း ဖြစ်ပါတယ်။ အခမဲ့ ကျောက်ကပ်ဆေးပေးနေပါတယ်။ လျှောက်လွှာတင်ရပါတယ်။ လိပ်စာ - မဆလာစက်မှတ်တိုင် ( သိမ်ဖြူတင်းနစ်ကွင်းရှေ့ )၊ မင်္ဂလာတောင်ညွန့်   ၇။ မူစလင်ကုသိုလ်ဖြစ်ဆေးရုံ    လျောက်လွှာသွားယူပြီး ဖောင်တင်တာ လက်ခံပေးနေပါတယ်။ ကုပေးနေတဲ့ အထူးကုဆရာဝန်ကြီးရဲ့ ထောက်ခံစာ ယူရပါမယ်။ စက်ဖိုးက (၂၅,၀၀၀) ကျပ်ပါ။ လိပ်စာ - ဘားလမ်း၊ ကျောက်တံတား ဖုန်း - 01 255 967   ၈။ မြောက်ဥက္ကလာဆေးရုံ    တစ်ခါဆေးစက်ဖိုး (၁၅,၀၀၀) ကျပ် လိပ်စာ - ဘားလမ်း၊ ကျောက်တံတား ဖုန်း - 01 255 967   ၉။ ငြိမ်းချမ်းသာ    တစ်ခါဆေးစက်ဖိုး (၅၈,၀၀၀) ကျပ် လိပ်စာ - (၁၃) ရပ်ကွက်၊ သစ္စာလမ်း၊ ရန်ကင်း  ဖုန်း -  09 408 594 477   ၁၀။ မြပါရမီ    တစ်ခါဆေးစက်ဖိုး (၅၈,၀၀၀) ကျပ် လိပ်စာ - အမှတ် (၁၄)၊ ပါရမီလမ်း၊ လှိုင် ဖုန်း -  09 793 113 155, 09 793 113 156, 09 963 208 088, 09 408 594 477

ဘားလမ်းရှိ မွတ်စလင်ကုသိုလ်ဖြစ် ဆေးရုံတွင် အထွေထွေရောဂါများ၊ သားဖွားနှင့် မီးယပ်၊ မျက်စိ၊ အရိုးအကြော၊ ဆီးနှင့် ကျောက်ကပ်၊ သွားနှင့် ခံတွင်းရောဂါများ ပြသနိုင်ပြီး အပတ်စဉ် တနင်္လာနေ့မှ သောကြာနေ့အထိ ဖွင့်လှစ် ကုသပေးလျက် ရှိသည်။   လူမျိုး၊ ဘာသာမရွေး အခမဲ့ ဆေးကုသပေးနေခြင်း ဖြစ်ပြီး သွားရောက် ပြသနိုင်မည့် ရောဂါများနှင့် အချိန်များကို အောက်တွင် ကြည့်ရှုနိုင်သည်။   အထွေထွေဆေးကုသဆောင် ( Medical Ward )   အပတ်စဉ် တနင်္လာနေ့မှ သောကြာနေ့အထိ ဖွင့်လှစ်ထားပြီး ပြသမည့် လူနာများအနေဖြင့် မနက် (၈) နာရီခွဲ နောက်ဆုံးထား၍ သွားရောက်ရမည် ဖြစ်သည်။ မနက် (၈) နာရီမှ (၁၁) နာရီအထိ    အထွေထွေခွဲစိတ်ဆောင် ( Surgical Ward )   အပတ်စဉ် တနင်္လာနေ့မှ သောကြာနေ့အထိ ဖွင့်လှစ်ထားပြီး ပြသမည့် လူနာများအနေဖြင့် မနက် (၉) နာရီခွဲ နောက်ဆုံးထား၍ သွားရောက်ရမည် ဖြစ်သည်။ မနက် (၉) နာရီမှ (၁၂) နာရီအထိ    သားဖွားနှင့် မီးယပ်ဆောင် ( OG Ward )   ကလေးမွေးမည့် မိခင်များ ကိုယ်ဝန် (၅) လ ကျော်ပါက ပြသနိုင်မည် ဖြစ်ကာ လူနာအဟောင်းများက အင်္ဂါနေ့နှင့် စနေနေ့၊ လူနာအသစ်များ တနင်္လာနေ့နှင့် သောကြာနေ့တွင် ပြသနိုင်သည်။ မီးယပ်ရောဂါနှင့် ပတ်သတ်သည့် လူနာများအနေဖြင့်မူ ဗုဒ္ဓဟူးနေ့တွင် ( လူနာအသစ်ရော လူနာအဟောင်းပါ ) ပြသနိုင်သည်။   ကိုယ်ဝန်ဆောင်မိခင်များ ( လူနာအဟောင်း )  - အင်္ဂါနေ့နှင့် စနေနေ့၊ မနက် (၇) နာရီ ကိုယ်ဝန်ဆောင်မိခင်များ ( လူနာအအသစ် )  - တနင်္လာနေ့နှင့် သောကြာနေ့၊ မနက် (၇) နာရီ မီးယပ်လူနာများ - ဗုဒ္ဓဟူးနေ့ မနက် (၇) နာရီ        Advertisement Click Here > Ko Nyein Maung   မျက်စိပြင်ပဌာနနှင့် အဆောင် ( Eye OPD and Ward )   မျက်စိရောဂါ အမျိုးမျိုး /ခွဲစိတ်ခြင်း နှင့်မျက်စိပါဝါတိုင်းခြင်း များကိုကြည့်ရှူစမ်းသပ်ပြုလုပ်ပေးပါသည်။ အပတ်စဉ် တနင်္လာနေ့နှင့် ဗုဒ္ဓဟူးနေ့တွင် ဖွင့်လှစ်ထားပြီး ပြသမည့် လူနာများအနေဖြင့် မနက် (၇) နာရီ နောက်ဆုံးထား၍ သွားရောက်ရမည် ဖြစ်သည်။ မနက် (၇) နာရီမှ (၉) နာရီအထိ    အရိုးအကြော ခွဲစိတ်ဌာန ( Orthopaedic Unit )  အပတ်စဉ် စနေနေ့၊ မနက် (၉) နာရီ   ဆီးနှင့် ကျောက်ကပ် ခွဲစိတ်ဌာန ( Uro-Surgery ) အပတ်စဉ် သောကြာနေ့၊ မနက် (၉) နာရီ  အပတ်စဉ် တနင်္ဂနွေနေ့၊ မနက် (၁၀) နာရီ    ကျောက်ကပ်သွေးသန့်စင်ဌာန ( Hemodialysis Ward )   တစ်ပတ်လျှင် (၆) ရက်ဖြင့် တစ်ရက်လျှင် လူနာ (၁၈) ယောက်ကို ကျောက်ကပ်ဆေးပေးနေပြီး ကျောက်ကပ်ဆေးလိုသူများအနေဖြင့် တနင်္လာနေ့မှ သောကြာနေ့၊ မနက် (၁၀) နာရီမှ နေ့လည် (၁) နာရီအတွင်း Form တင်ရမည် ဖြစ်သည်။   သွားနှင့်ခံတွင်း အထူးကုဌာန ( Dental Unit )   အပတ်စဉ် တနင်္လာနေ့မှ သောကြာနေ့အထိ ဖွင့်လှစ်ထားပြီး ပြသမည့် လူနာများအနေဖြင့် မနက် (၈) နာရီခွဲ နောက်ဆုံးထား၍ သွားရောက်ရမည် ဖြစ်သည်။ မနက် (၈) နာရီမှ (၁၀) နာရီအထိ 

မှတ်ပုံတင်ရရှိထားသော ဆေးဝါးများ သက်တမ်းတိုးခြင်းကိစ္စ လိုက်နာဆောင်ရွက်ရမည့် အချက်များ