အသားအရေထိန်းသိမ်းမှုဆိုတာ မိန်းကလေးတွေပဲလုပ်ရတာတော့ မဟုတ်ပါဘူး။ ယောကျာ်လေးတွေလည်း အသားအရေထိန်းသိမ်းဖို့လိုအပ်လှပါတယ်။
ဒါမှကျန်းမာလှပပြီး ကြံခိုင်တဲ့ ယောက်ျားတစ်ဦးဖြစ်လာမှာပါ။ ဒါပေမဲ့ ယောကျာ်းလေးတော်တော်များများက အသားအရေကို ဂရုမစိုက်တတ်ကြပါဘူး၊ ပတ်ဝန်းကျင်အခြေအနေကြောင့်၊(သို့) ယောကျာ်းမှန်ရင် နုရွဖို့မလိုဘူးဆိုတဲ့အယူအဆအမှားတွေကြောင့် ဒီတိုင်းနေတတ်ကြတာများပါတယ်။
ဒါကြောင့်ယောကျာ်းလေးတွေလည်း အသားအရေထိန်းသိမ်းဖို့လိုအပ်ကြောင်း တင်ပြရင်း နည်းလမ်းလေးတွေ ဖော်ပြပေးလိုက်ပါတယ်။
မျက်နာသစ်တဲ့အခါမှာ ရေအေးအေးလေး သုံးပြီးသစ်ပေးပါ။ တချို့ယောကျာ်းလေးတော်တော်များများက ဆပ်ပြာနဲ့ပဲအလွယ်သစ်တတ်ကြတယ်။ ဒါပေမဲ့ မိမိအသားအရေနဲ့သင့်တော်မယ့် မျက်နာသစ် ဆပ်ပြာလေးတွေ သုံးတာက ဆဲလ်သေတွေကို ဖယ်ရှားပေးပြီး ဆဲလ်အသစ်ပြန်လည်ဖြစ်တည်ဖို့လှုံ့ဆော်ပေးနိုင်လို့ အမျိုးသားတိုင်း လုပ်ပေးသင့်ပါတယ်။
မျက်နာနဲ့ ခန္ဓာကိုယ်အသားအရေကောင်းမွန်စေဖို့ ရေများများသောက်ပေးပါ။ အရက်နဲ့ကော်ဖီတွေက ရေဓာတ်ကို ဆုံးရှုံးစေတာမို့ အသားအရေခြောက်သွေ့စေနိုင်ပါတယ်။ အကယ်လို့မိမိက အရက်နဲ့ကော်ဖီကို မဖြတ်နိုင်ဘူးဆိုရင်တော့ ရေတစ်နေ့ကို (၆) ခွက်လောက်သောက်ပေးပါ။
ယောကျာ်းတစ်ယောက်ကို အဓိကကြည့်တော့မယ်ဆိုရင် ဖြူလား၊ မဲလားအရင်ကြည့်တာမဟုပါဘူး၊ မျက်နှာမှာ အရေးအကြောင်းတွေ (နုလား၊ရင့်လား)ကို အရင်ကြည့်ကြတာပါ။ ဒါကြောင့် အရွယ်မတိုင်ခင် အရေးအကြောင်းတွေ မဖြစ်စေရန် နေရောင်ခရမ်စ်နဲ့ အစိုဓာတ်ထိန်းခရင်မ်လေးတွေ လိမ်းပေးပါ။ မနက်ဘက်မလိမ်းချင်ရင် ညဘက်လိမ်းပေးသင့်ပါတယ်။
ဒါအပြင်အိပ်ချိန်ကိုလည်း သတိထားသင့်ပါတယ်။ ကိုယ့်အသားအရေမှာ ဝက်ခြံ၊ အဖုအပိန်များနေခြင်းဟာ အိပ်ချိန်မမှန်ခြင်းကြောင့် ၊ အိပ်ရေးမဝခြင်းကြောင့် ဖြစ်ရတာပါ။ ဒါကြောင့် အိပ်ရေးဝဝအိပ်ပေးဖို့လည်း လိုအပ်လှပါတယ်။
မိန်းခလေးတွေက သူတို့အသားအရေလှပအောင် သခွားသီးကပ်တာတို့၊ခရမ်းချဉ်သီးကပ်တာတို့၊ အာလူးကပ်တာတို့လုပ်သလိုပဲ ယောကျာ်းလေးတွေမှာလည်း ပေါင်းတင်တာမျိုးမလုပ်ချင်ရင်တောင် အသီးအရွက်တွေများများစားပေးဖို့လိုပါတယ်။ အသီးအရွက်စားတာဟာ ခန္ဓာကိုယ်အတွက် အမျှင်ဓာတ်ရရှိပြီး ဝမ်းမှန်စေတဲ့အတွက် ပြောင်ရှင်းတဲ့ မျက်နာကို ပိုင်ဆိုင်နိုင်မှာပါ။
နောက်ဆုံးတစ်ချက်အနေနဲ့ ဆေးလိပ်လျှော့သောက်ကြဖို့ပါပဲ၊ ဆေးလိပ်ဟာ သွေးလည်ပတ်မှုကို အားနည်းစေတယ်၊ အရွယ်မတိုင်ခင် အရေးအကြောင်းတွေပေါ်ပြီး မြန်မြန်ရင့်စေပါတယ်။ ဆေးလိပ်ကိုနှစ်ရှည်လများ သောက်တဲ့သူတွေမှာဆိုရင် နှုတ်ခမ်းသားတွေ ပြာနှမ်းပြီးမည်းစေတယ်။ ဒါတွေက သင့်ရုပ်ကို ဖျက်နေတဲ့ အလေ့အထတွေပါပဲ၊။
Read: ရေကျောက်ရောဂါ၏ လက္ခဏာရပ်များ
